Handbolti

Selfoss tapaði naumlega fyrir toppliði Aftureldingar í gærkvöldi lokatölur urðu 25-27. Leikurinn var jafn og spennandi allan tímann og hið unga Selfosslið átti í fullu tré við sterkt lið Aftureldingar. Það var síðan á loka mínútunum sem Afturelding silgdi fram úr og Selfoss strákarnir gáfu eftir, það vantaði sárlega leikmenn til að taka af skarið í lokin því þessi leikur gat farið á hvorn veginn sem var.

Varnarleikur liðsins var nokkuð góður mestan hluta leiksins, sóknaleikurinn var ágætur en liðinu vantar sárlega reynslumikla leikmenn til að taka af skarið í erfiðum stöðum. Ramunas Miklonis er meiddur og því eingöngu leikmenn úr unglingaflokki ásamt línumanninum  Michal Dostalik sem var besti maður liðsins í gær, ásamt Guðmundi Árna Ólafsyni sem lék vel þær 20 mínútur sem hann var inná.

Markvarslan var nánast engin í gær og spurning hvort Sebastian þjálfari þurfi ekki að fara að reima á sig keppnisskóna aftur.