Handbolti

Meistaraflokkur Selfoss í handbolta vann öruggan sigur á Hetti frá Egilsstöðum í 2.deild íslandsmótsins í handknattleik, lokatölur urðu 36-26 eftir að Selfoss hafi verið yfir í hálfleik 15-12. Hattarmenn undir stjórn Selfyssingsins Haraldar Geirs Eðvaldssonar komu á óvart með góðum leik í byrjun og jafnræði var með liðunum í fyrri hálfleik. En í síðari hálfleik tóku Selfyssingar leikinn í sínar hendur og unnu öruggan sigur. Í Selfossliðinu áttu Helgi Héðinsson, Guðmundur Árni Ólafsson og Hörður Másson góða spretti. Vörnin var góð þó enn hafi vantað upp á markvörsluna. En það var fyrst og fremst hraði, léttleiki og tækni sem skilaði þessum sigri.