Handbolti

Helgina 24.-26. nóvember fór fram deildarmót HSÍ í 5. flokki karla og fóru þrjú lið frá Selfossi á mótið. Í keppni A-liða gekk strákunum ágætlega og lentu þeir að lokum í 3. sæti í 2. deild eftir að hafa unnið tvo leiki, gert eitt jantefli og tapað tveim leikjum. Í keppni B-liða spiluðu strákarnir úrslitaleik við Gróttu um sigur í 2. deild. Því miður virtust strákarnir ekki vera alveg tilbúnir í leikinn og lentu strax 6 mörkum undir í fyrihálfleik. Í seinni hálfleik þá sýndu þeir meira hvað í þeim bjó og söxuðu forskot Gróttumanna niður í 2-3 mörk. Því miður var tíminn og ekki nægur. B-liðið tapaði leiknum með þrem mörkum og endaði að lokum í 3. sæti. Í keppni C-liða þá var Selfoss í 1. deild og gekk dálítið brösulega í byrjun. Strákarnir voru þó jákvæðir og lögðu sig virkilega fram og lentu að lokum í 5 sæti í 1. deild C-liða. Eins og sjá má er þetta stór flokkur með marga efnilega peyja eða 25-28 stráka á æfingum. Allir virðast þeir allir gaman af því að æfa og spila handbolta, sem er jú eitt af markmiðum 5. flokks, ásamt því að hver og einn taki framförum með því að æfa vel og styðja hvern annan.