Handbolti

Leikurinn var frábær skemmtun þar sem bæði lið spiluðu frábæran varnarleik og markverðir liðanna voru bestu menn sinna liða. Staðan í hálfleik var 8 - 10 fyrir Hauka en leikurinn endaði svo 18 - 20 fyrir Hauka. Okkar strákar lögðu sig alla fram í þessum leik en strönduðu því miður allt of oft á frábærum markverði Hauka, Aroni Eðvarðssyni. Í okkar liði var Ágúst Freyr Guðmundsson bestur og varði hann 17 skot, þar af 1 víti, og var því með 46% markvörslu. Þetta var líka fyrsti leikurinn sem allir leikmenn 89 liðsins voru með en mikið hefur verið um forföll vegna meiðsla og veikinda. Ef þeir spila áfram með sömu baráttu og vilja þá er ekki spurning um það að þeir fara að vinna leiki. Liðið er í mikilli framför og það verður því gaman að fylgjast með þeim það sem eftir er tímabilsins.