Handbolti

Á fimmtudagskvöldið n.k. verður spilaður leikur í Vallaskóla sem á sér ekki hliðstæðu í íslenskum handknattleik. Þá munu lið Selfoss og Selfoss 2 spila gegn hvort öðru í 1. deild á Íslandsmótinu í 3. flokki. Þetta er í fyrsta skipti svo vitað sé að tvö lið frá sama félagi mætist í efstu deild á Íslandsmóti í nokkurri boltaíþrótt.

Við hvetjum því fólk til að koma og sjá þennan stórleik enda má búast við því að hart verði barist þar sem hvorugt liðið mun gefa nokkuð eftir. Þetta mun gefa hugtakinu "grannaslagur" alveg nýja merkingu. Kannski væri réttara að tala um "bræðraslag".