Handbolti

4. flokkur karla lék fjóra leiki um helgina. Í gær sigraði A liðið Valsmenn 24-19 eftir að staðan hafi verið 13-9 í hálfleik. Lið Selfoss leiddi alltaf í leiknum með 3-5 mörkum og bætti varnarleik sinn mikið frá síðasta leik sínum. Sigurþór og Matthías léku mun betri vörn og stjórnuðu þeir tveir varnarleiknum af mikilli festu. Hornamennirnir Árni Steinn Steinþórsson (herra Vallaskóli) og Andri Már Sveinsson léku mjög vel og skoruðu mikið af mörkum. Þá átti Sverrir Andrésson góðan leik og var hann sérstaklega sterkur í síðari hálfleik.

Strax á eftir þessum leik fór fram leikur Selfoss B2 og UMFA. Okkar strákar voru minnugir skelfilega lélegs leiks af þeirra hálfu er þeir mættu UMFA í haust. Strax frá fyrstu mínútu sýndu Selfyssingar að þeir ætluðu sér að stjórna þessum leik og það gerðu þeir svo sannarlega. Eftir 10 mínútna leik var staðan orðin 6-1 en í hálfleik stóð 13-9. Í seinni hálfleik skildu hins vegar leiðir svo um munaði og áttu Mosfellingar í mestu erfiðleikum með að skora. Í kjölfarið hlóðust upp mörk úr hraðaupphlaupum og fóru þar fremstir í flokki Einar Sverrisson Bjarni Bent Ásgeirsson og Guðmundur Þórarinsson. Leiknum leik með stórsigri okkar manna, 26-12. Allt liðið lék frábærlega og er erfitt að taka einhvern einn út sem besta mann.

Í dag lék B liðið í bikarnum gegn A liði HK. Kópavogsbúar byrjuðu mun betur í leiknum og komust fljótlega í 9-3. Í hálfleik var staðan 15-11 fyrir HK. Seinni hálfleikur var nokkuð jafn og náðu Selfyssingar nokkrum sinnum að minnka muninn í tvö mörk en misstu svo HK-inga frá sér aftur. Lokatölur urðu 26-31. Pétur Karl Ómarsson lék vel í markinu og varði oft meistaralega. Einar Sverrisson stjórnaði leik liðsins mjög vel og mataði félaga sína með góðum sendingum. Anton Freyr Traustason lék einnig vel sem og Guðbjörn Tryggvason sem skoraði nokkur glæsileg mörk sem og Daníel Freyr Jónsson. Meira býr í Erni Þrastarsyni en hann átti þó alls ekki lélegan leik, var stundum óheppinn með skot sín. Þá átti Magnús Már Magnússon góðan leik og stjórnaði vörninni mjög vel. 

Grátlegt tap því nú er liðið úr leik í bikarnum. Lið HK skoraði um 15 mörk úr hraðaupphlaupum eftir klaufaleg mistök okkar manna í sókninni og liggur munurinn fyrst og fremst þar.

Strax á eftir þessum leik lék svo B liðið gegn B liði HK og vannst sá leikur örugglega, 31-12 eftir að staðan í hálfleik hafi verið 13-5. Pétur varði vel í markinu og gekk vörnin ágætlega í leiknum og var því mikið um hraðaupphlaup í leiknum. Ekki er hægt að taka neinn út sem besta mann en þó ber að geta frábærra takta Stefáns Ragnars Guðlaugssonar í vinstra horninu. Kannski er hann bara hornamaður?