Handbolti

4. flokkur kk A dróst á móti sterku liði ÍR og spila þeir á útivelli. Síðasti leikur þessarra liða fór jafntefli á Selfossi og því verður þetta hörkuleikur sem getur farið á báða vegu. Við vonumst til þess að strákarnir nái góðum leik og klári þetta verkefni og verði í pottinum þegar dregið verður til undanúrslita.

Selfoss 89 dróst einnig á móti ÍR á útivelli í 3. flokki. ÍR sem er með eitt besta liðið í þessum flokki verður erfiður mótherji heim að sækja. Ekki er þó ómögulegt að slá þá út úr keppninni því að bikarinn er alltaf fullur af óvæntum úrslitum. Síðasti leikur þessarra liða á Selfossi endaði með 2 marka sigri ÍR.

Selfoss 90 dróst á móti HK á útivelli í 3. flokki. Strákarnir ættu að klára þetta verkefni en HK er sýnd veiði en ekki gefin. Þeir eru með marga spræka stráka sem geta vel bitið frá sér. Síðasti leikur þessarra liða endaði með stórsigri Selfoss en þess ber að geta að þá vantaði leikmenn í lið HK. Það er ekkert gefins í Bikarkeppninni og því verða strákarnir að mæta af fullri alvöru í þetta verkefni.

2. flokkur var óheppnastur allra Selfossliðanna. Þeir drógust á móti tvöföldum Íslandsmeisturum Vals og það á útivelli að sjálfsögðu. Í liði Vals eru 10 landsliðsmenn úr U-21 og U-18 og fá lið sem geta státað af því að vera með landsliðsmenn á varamannabekknum eins og þeir. Síðasti leikur þessarra liða endaði með 9 marka sigri Vals á heimavelli Selfoss. Bara til að árétta styrk Valsmanna að þá eru leikmenn á borð við Ernir Hrafn Arnarsson, Arnór Gunnarsson, Fannar Friðgeirsson, Elvar Friðriksson, Ingvar Árnason og Gunnar Harðarson í liðinu en allir spila þeir lykilhlutverk í mfl. sem er í efsta sæti úrvalsdeildar karla og þar sem mfl. er í HM pásu í janúar þá ér öruggt að þeir verði allir með í þessum leik. Að sjálfsögðu förum við í þennan leik til að vinna hann :)

Áfram Selfoss