Handbolti

Í dag lék u-88 lið Íslands tvo leiki, gegn Pólverjum og Svisslendingum og unnust þeir báðir.

Pólland var sigrað 22-17 en staðan í hálfleik var 9-8 fyrir Pólverja. Hörður Másson kom lítið við sögu í leiknum en Helgi Héðinsson skoraði eitt mark í leiknum. Virkilega góður sigur hjá strákunum og augljóst er að félagsliðin í Íslandi eru að gera eitthvað rétt því strákarnir hafa bætt sig talsvert á einu ári. Einnig verður að taka með í reikninginn að margir þessara stráka eru farnir að leika stór hlutverk hjá meistaraflokkum sinna félaga, ólíkt andstæðingunum.

Sviss var svo lagt að velli í seinni leik dagsins 26-20. Í hálfleik var staðan 13-6 fyrir Íslandi. Helgi skoraði eitt mark í þessum leik en Hörður lék lítið. Á morgun leikur liðið í undanúrslitum mótsins og væri það frábært ef liðið komist í úrslit.