Handbolti

Síðasta sunnudag spilaði 4. flokkur kvenna við Gróttu á Seltjarnarnesi. Skemmst er frá því að segja að stelpurnar töpuðu 17-14 í skelfilegum leik. Strax frá byrjun sást að þessi leikur ætti eftir að vera þungur þar sem leikmenn mættu engan veginn stemdir til leiks. Eftir að hafa verið undir í hálfleik 11-6 var tóku stelpurnar sig þó aðeins saman í andlitinu og minnkuðu í 2 mörk en það dugði ekki og tap var staðreynd. Varnarleikurinn í leiknum var hræðilegur og alla baráttu vantaði, sóknarleikurinn var stirður þó svo að hann sé á réttri leið. Einnig settu veikindi lykilmanna strik í reikninginn. Aðeins Áslaug náði að skila góðum leik að þessu sinni en aðrar voru langt undir pari. Gaman er þó að sjá að Dagný er að koma sterk inn í hópinn en hún er nýlega byrjuð aftur. Næsti leikur er svo sunnudaginn 11 febrúar við Val.