Handbolti

Þrátt fyrir að það vantaði bæði Arnar og Mikalonis þá var varnarleikurinn góður og Birkir var að skila góðum leik í markinu. Hraðaupphlaupin voru allt í lagi en sóknarleikurinn var óskipulagður og alltof sveiflukenndur. Flestir skiluðu góðri frammistöðu í þessum leik. Hins vegar áttu bæði Helgi og Hörður Bjarna ekki góðan dag og fyrir vikið vantaði tvo sterka sóknarmenn í þessum leik. Selfossliðinu gekk mjög illa að fylla skarð þeirra en báðir voru þeir með slaka skotnýtingu. Það er erfitt að eiga við toppliðið þegar tveir lykilmenn ná sér ekki á strik í sókn.

Engu að síður var frammistaðan góð. Leikurinn var jafn alveg þar til í stöðunni 22-20 að við misstum þá frá okkur í 25-20 á bara 5 mínútum. Þá var tekið leikhlé og reynt að endurskipuleggja leik liðsins. Staðan breyttist í 26-23 og við með boltann en þá fór dauðafæri í hraðupphlaupi og enn rúmar 3 mín. eftir. Leikurinn endaði því 27-24 fyrir þá. Selfoss lét toppliðið svo sannarlega hafa fyrir sigrinum og ekki fengu neinir varamenn að koma inná í leiknum hjá þeim fyrr en 1 mín var eftir en þá var einum skipt inná.

Tölfræði Selfoss í leiknum:
Hörður Másson        7 úr 10
Atli Kristinsson         5 úr 10 - 3 stoðs.
Michal Dostalík         4 úr 6 - 1 fengið víti
Ragnar Jóhannsson  3 úr 6 - 1 stoðs.
Hörður Bjarnarson    2 úr 6 - 1 stoðs.
Baldur Þór               1 úr 3
Gústi Lill                  1 úr 1 -  1 fengið víti
Helgi Héðinsson        1 úr 7 - 1 fengið víti

Birkir varði 16 skot af 42 (38%)