Handbolti

B2 lið fjórða flokks vann í gærkvöld stórsigur að Varmá í Mosfellsbæ. Yfirburðir okkar manna í leiknum voru miklir og áttu leikmenn UMFA enga möguleika gegn okkur.

UMFA byrjaði leikinn þó betur og komst í 3-1 en sú staða breyttist í 12-3 Selfossi í vil. Mjög góð vörn okkar manna og hraðaupphlaup skópu þennan mikla mun. Í hálfleik stóð 13-5. Í seinni hálfleik fengu leikmenn UMFA að spila ákaflega langar sóknir en þeim varð lítið ágengt gegn sterku varnarliði Selfyssinga. Það er ekki ofsögum sagt að Selfoss hafi verið í vörn 75% leiktímans. Lokatölur urðu 22-7 og segja þær tölur allt um yfirburðina í leiknum.

Einar Sverrisson lék vel í leiknum og hefur hann bætt sig jafnt og þétt á timabilinu sem miðjumaður og varnarmaður. Bjarni Bent gerði marga góða hluti sem og þeir Ingvi Tryggvason, Magnús Magnússon og Anton Traustason. Ketill Hauksson barðist mjög vel að vanda og lagði sig allan fram. Helgi Hlynsson varði svo enn einn leikinn yfir 20 skot.