Handbolti

Fyrri hálfleikur einkenndist af góðum varnarleik beggja liða en að sama skapi var sóknarleikur beggja liða allt of hægur til að skila árangri enda staðan í hálfleik 9 - 7 en Haukar náðu að skora síðustu 2 mörk fyrri hálfleiks úr hraðupphlaupum en það voru einu hraðupphlaupsmörk fyrri hálfleiks. Í seinni hálfleik skánaði sóknarleikur Hauka en alls ekki hjá Selfoss og þar lá munurinn. Liðið spilaði ákaflega hægt og mikið var um mistök þegar reynt var að spila hraðar. Það er mjög ólíkt þeim handbolta sem liðið hefur verið að spila í vetur. Vörn og markvarsla var mjög góð hins vegar. Ástgeir varði 18 skot og var með 44% markvörslu. Sóknarleikurinn var eins og áður sagði hræðilega slakur. Aðeins Bjarki náði að spila af eðlilegri getu og skoraði 9 mörk úr 13 skotum sem er meira en helmingur marka liðsins í leiknum.


Strákarnir verða nú að girða sig í brók því að þessi leikur var mjög mikilvægur í baráttunni um 4 efstu sætin í deildinni en þau gefa heimaleikjarétt í 8 liða úrslitum. Með þessu tapi misstu þeir Hauka upp fyrir sig í töflunni og þótt þetta sé aðeins 3 tapleikur liðsins í vetur þá er þetta annar tapleikur liðsins í röð. Nú þarf að spýta í lófana og ná sér á strik aftur í næstu leikjum.