Handbolti

Í gær fékk B2 lið 4. flokks Seltirninga í heimsókn. Okkar menn voru enn í skýjunum eftir góðan sigur á Stjörnunni fyrr í vikunni og voru frekar lengi í gang í leiknum.

Þeir unnu þó 24-20 eftir að staðan hafi verið í hálfleik 11-9. Selfyssingar léku ágæta vörn í leiknum og uppskáru nokkur hraðaupphlaup í kjölfarið. Strákarnir stóðu vel saman í leiknum og var þetta sigur liðsheildarinnar.

Þeir eru nú nær takmarki sínu, sem er 2. sætið í deildinni. Það sæti gefur möguleika á sæti í úrslitakeppninni.