Handbolti

Frábær vörn og markvarsla á lokamínútunum ásamt góðri ákvarðanatöku í sókn snéri leiknum þannig að Selfoss var yfir þegar ca. 30 sek. voru eftir og ÍR með boltann. Ástgeir varði svo síðasta skot ÍR-inga og sigur staðreynd.

Það var sérstaklega gaman að sjá hversu vel strákarnir spiluðu einum færri í leiknum en þeir héldu jöfnu eða unnu alla kaflana sem þeir voru leikmanni færri. Liðsheildin var sterk bæði í vörn og sókn og úthald strákana til fyrirmyndar en ekkert var skipt inná hjá Selfoss í þessum hraða leik á meðan ÍR-ingar gátu leyft sér að rúlla mannskapnum.

Einar átti stórleik á línunni og réðu varnarmenn ÍR illa við hann. Raggi, Örn og Halli voru ákveðnir en skynsamir í sókn. Bjarki átti góðan dag í horninu en Gummi hefur oft átt betri dag og var með óvenjuslaka nýtingu en skoraði samt líklega mikilvægasta mark leiksins. Ástgeir varði þá bolta sem skiptu máli en stóð samt ágætlega heilt yfir og endaði með 17 skot varin. Markaskorarar voru: Bjarki 9 (12), Raggi 7 (12), 5 stoðs. og 2 fiskuð víti, Einar 6 (7) og 3 fiskuð víti, Gummi 6 (17), Halli 2 (3), 5 stoðs. og 2 fiskuð víti.

Hjá ÍR voru Þorgrímur og Arnór bestir auk þess sem að Ari var okkur erfiður og skoraði 5 mörk með þrumuskotum.

Með þessum leik tryggði Selfoss90 sér 2 sætið í deildinni.