Handbolti

Það er óhætt að segja að leikurinn hafi verið skemmtilegur á að horfa fyrir áhorfendur en það er ekki víst að leikmönnum hafi verið jafn skemmt en báráttan var svo sannarlega til staðar og oft á kostnað gæðanna. Selfoss átti síðustu sókn leiksins og með því tækifæri til að vinna leikinn. En í miðju leikkerfi var dæmt tvígrip á leikmann sem dripplaði aldrei boltanum heldur missti hann aðeins boltann úr höndunum og greip hann svo aftur. Dómaranum sýndist það vera tvígrip og þá er það svo, a.m.k. verður því ekki breytt. Langbestur hjá Selfoss var Birkir með 30 varin skot og vörnin var frábær.

Selfoss spilar síðasta leik sinn í deildarkeppni 2. flokks á morgun gegn FH á útivelli. Sá leikur er hreinn úrslitaleikur um það hvort liðið mætir Akureyri á útivelli í 8-liða úrslitum.