Handbolti

Leikur liðanna var ávallt jafn ef undan er skilin kafli í lok fyrri hálfleiks þar sem FH voru 2 leikmönnum færri en þá skoraði Selfoss 3 mörk gegn engu og breytti stöðunni úr 7-7 í 7-10 sem urðu hálfleikstölur. Í seinni hálfleik var sama upp á teningnum og þegar Selfoss fékk 2 brottvísanir og urðu þar með 2 leikmönnum færri þá skoraði FH 3 mörk gegn engu og leikurinn aftur orðinn jafn. Bæði lið fengu 2 tækifæri á lokamínútum leiksins til þess að skora 18 markið en hvorugu liðinu tókst það og því endaði leikurinn með jafntefli 17-17. Þessi úrslit duga Selfoss til þess að ná 4 sætinu í suðurriðli og þar með sæti í 8-liða úrslitum.


Það vantaði sterka sóknarmenn í bæði lið og því var þetta mikil varnarbarátta en varnir beggja liða voru frábærar eins úrslit leiksins gefa til kynna. Hjá Selfoss skoraði Helgi mest eða 7 mörk og þá átti Birkir aftur frábæran leik en hann varði 22 skot og mörg þeirra úr góðum færum en hann varði 30 skot í leiknum á undan á móti Val.