Handbolti

Elsti leikmaður liðsins sem byrjaði inná var 21 árs gamall og var það gaman að sjá baráttuna sem skein úr andlitum þessa ungu drengja í byrjun leiks. Eftir u.þ.b. 15 mín. tók Selfoss leikhlé í stöðunni 9-9 og skipti heilu liði inná sem skilaði 3 marka forystu í hálfleik 13-16 en vel hefði getað verið 13-17 því að Selfoss misnotaði víti á síðustu sekúndu fyrri hálfleiks. Á þessum fyrstu 15 mín. var Halldór (Halli) að spila sínar fyrstu mínútur í m.fl. Það gerði hann með miklum glans og skoraði 3 mörk og stjórnaði sóknarleiknum eins og herforingi. Í upphafi seinni hálfleiks byrjuðu Selfyssingar mjög illa og þegar þeir rönkuðu við sér voru þeir komnir 3 mörkum undir og hélst sá munur til loka leiksins. Þessar 11 mín. reyndust því dýrar.

Bestir hjá Selfoss voru markmennirnir sem báðir spiluðu vel, Hörður (Sjóli), Hörður (Höddi) og Halli sem endaði sinn fyrsta leik með 5 mörk. Aðrir geta gert betur. Þá munaði gríðarlega mikið um það að Addi gat ekki spilað vegna meiðsla og sá mikið á varnarleiknum fyrir vikið enda afar sjaldgæft að Selfoss fái meira en 27 mörk á sig.

Hjá ÍBV voru "gömlu" mennirnir í sérflokki. Erlingur, Svavar, Siggi og sérstaklega Remigius sem skoraði þegar hann vildi. Ekki má gleyma Jóa í markinu sem var okkur erfiður að vanda. Það er munur að eiga svo marga reynda leikmenn í þessari deild.

Heilt á litið er ekki slæmt hjá strákunum að ná þessum úrslitum á móti ÍBV á útivelli. Þó hefur líklega ekki verið jafn gott tækifæri í langan tíma til að vinna ÍBV. Annað sem gleður er að stærsta tap Selfossliðsins í vetur er 4 mörk og sýnir það umfram allt hversu mikið stöðugleiki er kominn í spilamennsku liðsins.


Að lokum viljum við bjóða Halla velkominn í m.fl. Hann stóð sig vel bæði í leiknum og eftir hann : )