Handbolti

Tveir leikmenn hættu á tímabilinu og því voru liðin skipuð sitt hvoru byrjunarliðinu en efnilegir strákar úr 4 flokki tóku að sér að styðja við bakið á 3 flokks strákunum. Þar sem liðin voru bæði í 1 deild þá mátti ekkert færa leikmenn á milli Selfoss og Selfoss2. Það var því oft erfitt í vetur þegar veikindi og meiðsli komu upp og kom það sérstaklega mikið niður á Selfoss2 ('89) liðinu því að alls 3 leikmenn fengu einkirningssótt á tímabilinu sem þýddi 8-12 vikna fjarveru frá æfingum og keppni.


Selfoss2 (Selfoss 89)
Þeir byrjuðu tímabilið á því að vinna tvo og tapa tveim í forkeppninni og spila loks í milliriðli þar sem þeir unnu tvo og töpuðu einum og tryggðu sér þar með sæti í 1 deild.
Þegar deildarkeppnin byrjaði þá urðu strax forföll hjá tveimur leikmönnum vegna langra veikinda. Liðinu gekk illa fyrir áramót og tapaði þá 6 leikjum af 7 og unnu aðeins einn leik. Þeir voru eðlilega ekki sáttir og aukin ákveðni og endurkoma leikamanna varð til þess að liðið vann 5 leiki eftir áramót, gerði 1 jafntefli og tapaði 5 leikjum í deildinni sem dugði þeim til þess að komaast í 7 sætið þegar deildinni lauk. Framfarirnar voru gríðarlegar og gaman hefði verið að sjá hvar þeir hefðu endað ef þeir hefðu haft fullt lið allt tímabilið. Kannski nógu ofarlega til þess að fá heimaleikjarétt í 8-liða úrslitum ? Varnarleikurinn var akkilesarhæll liðsins í vetur en sóknarlega voru þeir stöðugt að bæta sig. Aðeins FH, Selfoss1 og ÍR skoruðu fleiri mörk en Selfoss2.

Að deildarkeppninni lokinni þá þurftu þeir að spila umspil við Fram um 8 sætið í 8-liða úrslitum sem þeir unnu. Loks spiluðu þeir við FH í 8-liða úrslitum þar sem stóðu sig með miklum sóma, spiluðu skynsamlega í seinni hálfleik og töpuðu 30-23 á móti þessu ógnarsterka FH liði.

Í bikarnum unnu þeir IBV í 16-liða úrslitum og töpuðu svo fyrir ÍR í 8-liða úrslitum.

Heildarárangur liðsins í vetur var því:
12 sigrar - 1 jafntefli - 16 töp



Selfoss1 (Selfoss 90)
Í þessu liði voru allir á yngra ári nema Ástgeir markmaður. Auk þess voru 2 nýjir leikmenn í liðinu sem komu í handboltaakademíuna. Liðinu til happs féllu þeir frábærlega inn í hópinn bæði félagslega og handboltalega. Þeir unnu alla leikina sína í forkeppninni. Að henni lokinni tók deildarkeppnin við. Hins vegar var leikjaniðurröðun liðsins öll úr skorðum vegna tíðra beiðna annarra liða um frestun. Þeir spiluðu því 1 leik í okt., 2 í nóv. og 2 í des. Sem sagt bara 5 leiki fyrir áramót. Eftir áramót spiluðu þeir 3 leiki í jan., 4 í feb. og loks 6 leiki í mars. Sem sagt 13 deildarleiki. Álaginu var því misskipt en strákarnir stóðu sig samt mjög vel. Þeir lentu í talsverðri lægð um miðjan janúar sem tók þá þó nokkurn tíma að ná sér upp úr. Því miður kostaði það þá bikarkeppnina því að þeir töpuðu fyrir HK í 8-liða úrslitum bikarsins. Þrátt fyrir þennan millikafla þá töpuðu þeir einungis 3 leikjum í deildinni, gerðu 1 jafntefli og unnu 14 leiki og enduðu því í 2 sæti með 29 stig og 66 mörk í plús. 

Að lokinni deildinni þá unnu þeir Stjörnuna í 8-liða úrslitum. Þeir töpuðu fyrir Haukum í 4-liða úrslitum og unnu loks ÍR í leik um 3 sætið á Íslandsmótinu.

Í bikarnum unnu þeir Fram í 16-liða úrslitum en töpuðu síðan fyrir HK í 8-liða úrslitum.

Heildarárangur liðsins í vetur var því:
21 sigrar - 1 jafntefli - 5 töp (FH 2, Haukar 2 og HK 1)


Við hjá Selfoss erum gríðarlega stoltir af báðum liðunum í vetur og horfum bjartsýnir til þess tíma er þessir drengir munu spila sem Meistaraflokkur félagsins.


Samantekt og helsta tölfræði einstakra leikmanna verður einnig birt fljótlega hér á síðunni.