Handbolti

7.flokkur drengja tók þátt í lokaumferð íslandsmótsins um helgina, leikið var á Seltjarnarnesi á heimavelli Gróttu. Selfoss var með eitt A-lið og tvö B-lið skráð til leiks. Strákarnir stóði sig með mikilli prýði og unnust 11 leikir en einn tapaðist.

B2 er eingöngu skipað leikmönnum af yngra ári og unnu þeir alla sína leiki og töpuð þeir ekki leik í allan vetur. Liðið lék hraðan og kröftugan handbolta og unnu alla sína leiki sannfærandi. Liðið skipuðu þeir Konráð, Bjarni, Andri Páll, Hlynur, Teitur, Trausti og Arnþór. Þetta er sannarlega árgangur sem vert verður að fylgjast með í framtíðinni.

B1 lék í hinum riðlinum og vann líka alla sína leiki lið er blanda af strákum af eldra og yngra ári. Það lið skipuðu þeir : Gísli, Fjölnir, Sverrir, Magnús, Hákon, Jökull og Bjarki.

A-lið var ekki búið að tapa leik í vetur og vinna alla sína leiki örugglega en í síðasta leiknum töpuðu þeir 6-7 fyrir Fram. En enga að síður gott að vinna 13 af 14 leikjum vetrarins. Liðið var að leika mjög vel í öllum sínum leikjum og sýndu strákarnir oft frábær tilþrif. Liðið skipuðu þeir Aron Óli, Oliver, Hergeir, Richard, Ómar, og Adam.