Ragnarsmótið

Ragnarsmótið í handknattleik er árlegt minningarmót, haldið til minningar um Ragnar Hjálmtýsson sem lést í bílslysi 1988. Mótið fer fram í byrjun september og er nú haldið í 21. skipti.

Sex lið taka þátt í mótinu og spila þau innbyrðis í tveimur riðlum. Efstu liðin leika síðan til úrslita um 1. sætið, næst efstu liðin um 3. sætið og liðin sem voru í þriðja sæti leika um 5. sætið. Fyrir sigur í mótinu er veittur sérstakur farandbikar. Einnig eru veitt verðlaun fyrir besta leikmanninn, besta sóknarmanninn, besta varnarmanninn, besta markmanninn og markahæsta leikmann. Sérstök nefnd sér um valið.