Fimmtudaginn 13. desember var haldið Jólamót júdodeildar UMFS. Keppendur voru 32 og keppt var í Gagnheiði 3. Alls voru 21 júdoiðkandi hérna á Selfossi skráðir til gráðunar núna í desember og er gráðun að ljúka. Afar ánægjulegt er að sjá hversu mikill metnaður og áhugi er meðal iðkenda deildarinnar. Úrslit júdomótsins eru hér:

Nú á næstunni er gráðun í Júdodeild UMF Selfoss.  Gráðun er það þegar iðkendur sækjast eftir því að hækka sig um gráðu og fá þá belti í nýjum lit eða nýja rönd á beltið sitt. Iðkendur þurfa að þreyta sérstök próf og standast þau.  Sjá nánar hér.  Ljóst er að margir hafa verið að undirbúa sig fyrir að hækka um gráðu og hafa æft vel að undanförnu. 

Júdodeildin er að undirbúa ferð keppenda á Jólamót JR 15. desember og verður það síðasta mót ársins sem keppendur taka þátt í. Upplýsingar um mótið hafa ekki enn verið gefnar út.

Júdoárinu verður svo lokað með Pizzuveislu þann 18. desember í Tíbrá.  Veislan hefst kl. 17.00.

Nú er búið að endurnýja stóran hluta júdodýna í æfingaraðstöðunni við Gagnheiði.  Margar dýnur voru orðnar slappar og rifnar og tók deildin sig til og flutti sjálf inn 15 nýjar dýnur. Kostnaður við endurbæturnar er um 160.000 kr. og fékkst styrkur frá sveitarfélaginu í verkefnið.

Reykjavíkurmótið í júdó var haldið laugardaginn 27. október s.l. Sex strákar frá Umf. Sefloss tóku þátt í mótinu og komu heim með 7 verðlaunapeninga. Í flokki barna U13 vann Slavik Jaroslav gull í flokki BD-38 kg. Aron Ingi Jónsson fékk brons í sama flokki og í flokki BD-55 kg vann Hinrik Hjartarson silfur. Í flokki BD+55 kr vann Eyþór Óskarsson silfur og Marel Björgvinsson brons. Magnús Bjarki Snæbjörnsson frá Laugarvatni vann svo brons í flokki UD+60 kg í flokki Cadeta U17 og brons í flokki -66 kg í flokki Juniora U20.

Reykjavíkurmót í júdó verður haldið í sal Júdódeildar Ármanns í Laugardal laugardaginn 27. október. Keppt verður í aldursflokkum. Viktun hefst kl. 10:00 og keppnin sjálf kl. 11:30.

Hér til hliðar, undir áhugavert, hefur verið settur upp tengill á "júdosjónvarpið".  Á þessari síðu er stöðugt í gagni upptökur frá öllum helstu mótum í Evrópu og heimsviðburðum í júdo.  Kjörinn vettvangur til þess að sjá stjörnunar keppa. Hér er slóðin:  http://judo.neteyes.hu/free.php?lang=hu 

Dagana 29. og 30. september fór fram Haustmót Júdosambands Íslands. Júdodeild Umf. Selfoss sendi nokkra keppendur og var árangur þeirra með ágætum. Þór Davíðsson vann örugglega sinn flokk og hreppti gullverðlaun. Alls hlaut deildin eitt gull, þrjú silfur og þrjú brons. Árangur keppenda úr Júdodeild Umf. Selfoss var annars með neðangreindum hætti:

Nú eru komnar upplýsingar inn á vefinn um Haustmót JSÍ um helgina.  Allt um tímasetningar, reglur, kostnað og keppnisflokka hér. Haustmot jsi 2007 ( doc, 34 kb )

Viðtal við Jónu Lovísu Jónsdóttur Íslandsmeistara kvenna í -52 kg flokki.  "Júdo er trúlega besta alhliða íþrótt sem völ er á. Hún þjálfar allan líkamann, allt niður í fingur og tær, og í raun vinnur maður samtímis með huga og líkama.  Júdóið er afar vaxtarmótandi fyrir kvennlíkamann. "
Sjá allt viðtalið við Jónu og dóttur hennar hér á síðunni á þessari slóð: http://www.umfs.is/judo/um-judo/maedgur-i-aflogum-vidtal/ 
Birt með góðfúslegu leyfi Fréttablaðsins og Jónu Lovísu.

Judoæfingar í hefjast 3. september

Þjálfarar: Guðmundur Tryggvi 863 3040 og Bergur Pálsson 862 0858

Æfingar fyrir 7 - 10 ára
þriðjud. og fimmtudaga kl 16.30 til 17.30

Æfingar fyrir 11-14 ára
þriðjud. og fimmtudaga  kl 17.30 til 18.30

Æfingar fyrir 15 ára og eldri
þriðjud. og fimmtudaga kl 18.30 til 20.00

Þátttökugjald 2.800 kr. á mánuði fyrir yngri og 3.500 kr. fyrir eldri.  Fyrstu tveir tímarnir ókeypis.

Æfingar fara fram í íþróttahúsinu Gagnheiði 3, Selfossi. Skráning á staðnum.

 Fyrir byrjendur sem lengra komna!

 Júdodeild UMFS

Stefnt er að því að gefa út blað í ágúst með upplýsingum um vetrarstarf allra deilda félagsins. Verður blaðinu dreift í öll hús á Selfossi. Í blaðinu verða æfingatímar, nöfn þjálfara, æfingagjöld og ýmislegt fleira. Einnig er á döfinni að vera með sameiginlega skráningardaga í Tíbrá þar sem hægt verður að ganga frá æfingagjöldum vetrarins. Mikið er um að börn og unglinar æfi fleiri en eina íþróttagrein og því gott að geta gengið frá  öllu í sömu ferðinni. Skráningardagarnir verða auglýstir síðar.

Heimasíða Umf. Selfoss hefur verið mikið heimsótt undanfarnar vikur og mánuði. Síðan nýtur mikilla vinsælla og er greinilegt að margir sækja þangað fréttir og upplýsingar. Deildir félagsins hafa margar hverjar nýtt sér þennan samskiptamáta vel og flytja nær daglegar fréttir af því sem er að gerast hjá þeim. Ef litið er yfir tölfræði júlímánaðar kemur í ljós að tæplega 17.000 heimsóknir komu á síðuna í mánuðinum sem gerir um 550 manns á dag. Verður það að teljast mjög gott.

Krakkar frá Akureyri og Reykjavík voru sigursælir í júdó á Alþjóðaleikum ungmenna, sem haldnir eru í Laugardal nú um helgina. Alls unnu íslensku krakkarnir til níu verðlauna.

Sigurvegararnir eru þau Guðrún Ösp Ólafsdóttir, Jón Birgir Tómasson, Steinar Valsson, en þau eru öll frá Akureyri, og Ásgeir Örn Þórsson, Ingi Þór Kristánsson, Kristín Ísabella Karelsdóttir, Orri Helgason, Rán Ólafsdóttir, Richards Janson, frá Reykjavík.

Nú styttist óðum í 25. Landsmót UMFÍ sem fram fer í Kópavogi. Mótið verður sett á Kópavogsvelli, fimmtudaginn 5. júlí kl. 20:00. Ýmis dagsrká verður í boði fyrir alla aldurshópa. Mótinu líkur sunnudaginn 8. júlí.
Þess má geta að 27. Landsmót UMFÍ verður haldið á Selfossi 2012.

Að baki hátíðarhalda á 17. júní liggur mikil vinna þar sem margir leggja hönd á plóg. Þjóðhátíðarnefnd Umf. Selfoss vill þakka öllum þeim sem komu að undirbúningi og framkvæmd hátíðarhaldanna á 17. júní á Selfossi fyrir vel unnin störf. 

Íslenskir júdómenn unnu til fimm verðlauna í einstaklingsgreinum á Smáþjóðaleikunum í Mónakó, þar af voru þrenn gullverðlaun. Anna Soffía Víkingsdóttir vann gull í -70 kg flokki og þeir Þormóður Jónsson og Axel Ingi Jónsson hrepptu einnig gull í +100 kg flokki og -81 kg flokki.

Þá hlaut Jósep Þórhallsson silfur í -90 kg flokki og Þorvaldur Blöndal brons í -100 kg flokki.

Bjarni Friðriksson landsliðsþjálfari hefur valið landsliðshópin sem fer utan til Monaco þann 3. til 10. júní á Smáþjóðaleikana en það er fríður hópur keppenda.

Þrjátíu keppendur ásamt þjálfurum og liðsstjórum fóru 16. maí til Lund í Svíþjóð. Tilgangur ferðarinnar var að keppa og taka þátt í æfingabúðum á Budo Nord næstu fjóra daga. 

Dagana 5. - 6. maí var haldið í húsakynnum JR vormót JSÍ.  Fjórir keppendur fóru frá Júdodeild Umf. Selfoss og unnu þeir allir til eftirfarandi verðlauna:

Egill Ásbjörnsson silfur í - 50 kg flokki 11 - 12 ára.

Eyþór Óskarsson silfur í +50 kg flokki 11 - 12 ára.

Birgir A Ásbjörnsson brons í - 46 í flokki 13 - 14 ára.

Sturlaugur Eyjólfsson gull í - 73 kg flokki 13- 14 ára.

Íþrótta- og Ólympíusamband Íslands býður upp á fjarnám í þjálfaramenntun í sumar.  Um er að ræða 1. stig í þjálfaramenntun almenns hluta, þ.e. 1a, 1b og 1c.
Íþrótta- og Ólympíusamband Íslands auglýsir einnig eftir umsóknum um þjálfarastyrki fyrir vorönn 2007. Hver styrkur er að upphæð kr. 50.000.- og er veittur til aðila sem sækir sér þjálfaramenntun eða kynningu á íþróttaþjálfun erlendis.

Aðalfundur Umf. Selfoss var haldinn fimmtudaginn 5. maí. Á fundinum fékk fimleikadeild félagsins afhenta viðurkenningu frá Íþrótta- og Ólympíusmbandi Íslands sem Fyrirmyndardeild ÍSÍ, fyrst deilda og félaga á Suðurlandi. Þá voru kjörnir þrír nýir heiðursfélagar þeir Hafsteinn Þorvaldsson, Kristján S. Jónsson og Tómas Jónsson. Þórir Haraldsson var endurkjörinn formaður félagsins sem og framkvæmdastjórnin öll nema Sally Anne Vokes kom ný inn í stað Steinunnar H. Eggertsdóttur.

Íslandsmót barna og unglinga í júdó fór fram í mars. Selfyssingar voru áberandi á mótinu og Þór Davíðsson krækti í Íslandsmeistaratitil í -81 kg flokki cadetta, 15-16 ára, en Þór var þar að taka þriðja íslandsmeistaratililinn í röð.

Í febrúar hélt Júdósamband Íslands þrískipt afmælismót og tóku sjö keppendur frá Umf. Selfoss þátt í þeim. Árangurinn var mjög góður. Í flokki 12-14 ára hlaut Gunnar Bjarki Hjörleifsson silfur og Birgir Aron Ásbjörnsson varð í 3. sæti. Í flokki 15-16 ára náðu Selfoss-strákarnir einnig mjög góðum árangri. Í -81 kg flokki röðuðu þeir sér í þrjú efstu sætin. Þór Davíðsson sigraði, Sævar Ingi Sigurjónsson varð í öðru sæti og  Alexander Freyr Olgeirsson í þriðja sæti. Steinar Sigurðsson varð í 2. sæti í -66 kg flokki og Árni Þór Þorsteinsson í 4. sæti í -60 kg flokki.

Ungmennafélag Selfoss hefur úthlutað styrkjum úr afreksmannasjóði sínum fyrir árangur ársins 2006. Deildir félagsins sendu inn umsóknir fyrir íþróttafólk sitt og var styrkjum síðan úthlutað í samræmi við reglur sjóðsins. Margir íþróttmenn félagsins hafa ná framúrskarandi árangri á árinu, sett Íslandsmet eða unnið Íslandsmeistaratitla í sínum flokkum og nokkrir leikið landsleiki fyrir Íslands hönd. Einnig hafa nokkrir verið valdir á landsliðsæfingar eða í úrvalshópa í sínum aldursflokkum.