Júdó

Fyrsta HSK-mótið í júdó var haldið í íþróttasalnum í Gagnheiði 11. desember síðastliðin. Mótið tókst í alla staði vel og tókust menn hart á. Selfoss sigraði stigakeppnina, enda allir keppendur frá Selfossi nema einn sem kom frá Laugarvatni. Úrslit urðu eftirfarandi...

HSK mótið verður haldið þann 11. desember í júdósalnum í Gagnheiðinni. Keppni 10 ára og yngri verður frá kl:16-18. Keppni 11 -15 ára  verður kl:18:30 - 20. Keppni 16 ára og eldri hefst kl:20. Foreldrar eru hvattir til að mæta með börnum sínum. Beltapróf (gráðun) verða haldin 16. desember á æfingatímum iðkenda.

Í ljósi efnahagsástandsins og þeirrar óvissu sem ríkir nú í samfélaginu hefur menntamálaráðherra látið vinna samantekt varðandi möguleg úrræði um sálrænan stuðning við börn og ungmenni. Markmiðið með vinnunni er að styðja þá sem starfa að íþrótta- æskulýðs- og tómstundamálum til að veita börnum og ungmennum viðeigandi stuðning og stuðla þannig að velferð þeirra. Þessi samantekt fylgir hér með þegar fréttin er opnuð...

Æfingar Júdodeildar Umf. Selfoss hófust 2. september.  Strax á fyrsta degi kom mikill fjöldi barna sem hafði áhuga á að æfa júdo.  Æfingaraðstaðan í Gagnheiðinni varð full út úr dyrum og á næstu æfingum líka. Til að mæta þessum mikla áhuga hefur verið ákveðið að fjölga æfingum hjá yngstu iðkendunum.

Af þessu má ljóst vera að æfingaraðstaðan í Gagnheiði 3 er hamlandi fyrir framgang íþróttarinnar á Selfossi.  Sem betur fer stendur það til bóta þegar ný bygging rýs við Sundhöll Selfoss.

Aðalfundur Júdodeildar Umf. Selfoss verður haldinn fimmtudaginn 17.arpil kl. 8.30 í Tíbrá við Engjaveg.

Venjuleg aðalfundarstörf og afslappað andrúmsloft.

Þéttum hópinn og styrkjum deildina til stuðnings efnilegum á áhugasömum júdoiðkendum !

Allir hjartanlega velkomnir

Stjórnin

Á síðastliðnu Íslandsmeistaramóti í júdo keppti Árný Rún Helgadóttir á sínu fyrsta móti utan félags. Árný er úr Hveragerði og hefur sótt æfingar hjá deildinni um nokkurt skeið. Hún stóð sig vel og kom heim með bronsverðlaun. Í ljósi þess að það er orðin nokkur tími síðan stúlka keppti síðast fyrir deildina og fór á pall, þá eru þetta ánægjulegar fréttir. Við óskum Árnýju Rún til hamingju með áfangann.

Íslandsmeistaramót JSÍ yngri en 20 ára var haldið daganna 14. og 15. mars síðastliðinn.  Júdodeild UMF Selfoss sendi 18 keppendur á mótið og stóð hópurinn sig mjög vel og kom heim með hvorki meira né minna en 6 gull, 3 silfur, 4 brons og einn eignabikar !  Frammistaða hópsins var eftirfarandi:

Tímaáætlun vegna ÍM 2008 yngri en 20 ára. Vegna mikillar þáttttöku, um 150 keppendur og fermingar hjá einhverjum á sunnudag hefur verið ákveðið að skipta mótinu á tvo daga og þeir sem eru á fermingaraldri keppa fyrstir. Mótið verður haldið í Júdódeild Ármanns í Laugardal föstudaginn 14. og laugardaginn 15. mars. Sjá nánar hér fyrir neðan...

Lífshlaupið er fræðslu- og hvatningarverkefni ÍSÍ sem höfðar til allra aldurshópa. Selfyssingar eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Lýðheilsustöð gefur í fyrsta skipti út ítarlegar ráðleggingar um hreyfingu nú í upphafi árs 2008. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag. Inn á vef Lífshlaupsins er hægt að velja um þrjár leiðir.

Þann 26. janúar síðastliðinn tóku níu ungir júdomenn úr júdodeild Umf. Selfoss  þátt í afmælismóti JSÍ í Reykjavík. Mótið, sem var haldið í glæsilegum sal Glímufélagsins Ármans, var bæði fjölmennt og sterkt. Vegna veðurs mættu þó því miður ekki allir keppendur frá Selfossi.   

Júdodeild Ums Selfoss selur Júdogalla.  Um er að ræða æfingagalla frá hinum virta framleiðanda Essimo.

Júdogalli   hvítur   190 cm       kr.   8.000
Júdogalli   hvítur   180 cm       kr.   8.000
Júdogalli   hvítur   170 cm       kr.   8.000
Júdogalli   hvítur   160 cm       kr.   7.000
Júdogalli   hvítur   150 cm       kr.   7.000
Júdogalli   hvítur   140 cm       kr.   7.000
Júdogalli   hvítur   130 cm       kr.   7.000

Þeir sem áhuga hafa snúi sér til Bergs Baldurssonar þjálfara eða sendi póst á netfangið judo@umfs.is

Á síðasta fundi aðalstjórnar Umf. Selfoss sem haldinn var 9. janúar var samþykkt úthlutun barna- og unglingastyrks til deilda félagsins. Úthlutunin byggir á ákveðnum reglum þar sem tekið er mið af iðkendum á grunnskólaaldri. Heildarupphæð styrksins sem skiptist á milli átta deilda er 2.575.000 kr. Hefur sú upphæð verið sú sama frá 2004.

Næsta júdomót sem deildin tekur þátt í er Afmælismót JSÍ.  Mótið fer fram í æfingaraðstöðu JR í Reykjavík 26. janúar næstkomandi. Hægt er að nálgast allar upplýsingar hér.

Þjálfarar deildarinnar, þeir Guðmundur í síma 863 3040 og Bergur í síma 862 0858 veita frekari upplýsingar.

UMFÍ bíður ungmennum á aldrinum 16 – 20 ára sem eru án tóbaks og vímuefna í skemmtigferð að Laugum. Leikir, útvist, kvöldvökur og fleira þar sem hinn eini sanni ungmennafélagsandi ræður ríkjum. Þátttakendum stendur til boða að gerast sjálfboðaliðar í starfi Flott án fíknar í kjölfar ferðarinnar. Lagt verður af stað frá Þjónustumiðstöð UMFÍ, að Laugavegi 170, föstudaginn 18. janúar kl. 20.00 og komið til baka sunnudaginn 20. janúar kl. 16.00. Áhugasamir skrái sig á netfangið: gudrun@umfi.is  Allar nánari upplýsingar eru gefnar í Þjónustumiðstöð UMFÍ í síma 568-2929.