Júdó

Ekki lætur árangurinn heldur á sér standa, fyrr í haust keppti ein stúlka, Tanja Rún frá U.m.f. Selfoss,  á opnu móti sem haldið var af Í.R og sýndi afbragðs tilburði og lenti þar í 3.sæti.  Þann 10. desember fóru tveir þjálfarar með sex keppendur á Jólamót J.R, þar af voru tveir sem hófu æfingar nú fyrr í haust. Fylgdi okkar smá en þó knáa félagi fríður hópur stuðningsmann og aðstandendur keppanda sem fylgdust með og hvöttu keppendur okkar til dáða.  Þjálfarar keppandanna réðu sér vart kæti þegar okkar félagsmenn glímdu við liðsmenn töluvert stærri félaga og  báru sigur úr býtum.  Uppskárum við eins og við sáðum og kvöddum mótið með bros á vör, tvö gullverðlaun og fjögur silfur. Þór Davíðsson og Steinar Sigurðarson hrepptu sín gullverðlaunin hvor og Mattías Harðarson, Tanja Rún Jónsdóttir auk nýliðanna Gunnars Bjarka Hjörleifssonar og Birgis Arons Ásbjörnssonar unnu svo til silfurverðlauna í sínum flokkum.  Fyrirtaks árángur hjá okkar krökkum í þessu litla en sívaxandi félagi.

Viljum við hvetja þá sem áhuga hafa á að kynna sér starf Júdódeildarinnar og/eða ganga til liðs við hana að kikja á http://umfs.is/judo/ eða hafa samband við þjálfara, Guðmund Tryggva í 863-3040, Berg Pálsson í 862-0858 eða Önnu Siggu í 864-6971.
 
ASV