GRÁÐUREGLUR J.S.Í. 2003

1. gr. 
Um gráðanir

1.1
Gráðun er, jafnt innan kyu-gráðana og dan-gráðana, grundvölluð á skilningi,leikni og þekkingu á júdó. Einnig má taka tillit til framkomu og starfa hlutaðeigandi fyrir júdó þegar gráðað er.

1.2
Hver sá, sem keppir eða þreytir gráðupróf, skal kaupa júdóferilsbók (júdópassa) JSÍ. Í hana skal skrá próf, gráður og réttindi sem viðkomandi hefur öðlast og það staðfest með stimpli og undirskrift fulltrúa tækniráðs JSÍ.
Sá sem ætlar sér að fara í gráðupróf skal sækja um það til JSÍ á þar til gerðu eyðublaði. Fyrir kyu gráðun með tveggja vikna fyrirvara fyrir auglýst gráðupróf en fyrir dan gráðun með þriggja vikna fyrirvara.

1.3
Í verkefnaskrá fyrir mismunandi gráður, er tekið fram hvaða skilyrðum judoka verður að fullnægja til að fá gráðuhækkun.

1.4
Judoka skal, sjálfur í samráði við þjálfara sinn, sjá sér fyrir tæknilegri þjálfun undir gráðanir. Þeir sem óska eftir dan gráðun skulu sækja námskeið sem tækniráð JSÍ skipuleggur og að því loknu skulu þeir þreyta próf.

1.5
Um gráðun unglinga 11-14 ára og yngri gilda sömu reglur og fyrir gráðun fullorðinna (15 ára og eldri), að undanteknum lásum (KANSETSU-WAZA) og hengingum (SHIME-WAZA) og að hverja kyu gráðu skal taka í tveimur áföngum (fyrri og seinni hluti) sbr. verkefnaskrá 2.gr. Þegar fyrri áfanga er náð skal 5 sm langur bútur í rauðum lit saumaður eða litaður á annan enda beltisins. Gráðun er ekki lokið fyrr en báðum áföngum hefur verið náð og því skal ekki sett upp belti í nýjum lit fyrr en við lok seinni gráðunar. Þegar unglingur hefur náð 15 ára aldri skal hann, við næsta gráðupróf, sýna kunnáttu í lásum og hengingum þeirra gráða, sem hann hefur öðlast áður en næsta gráða er tekin. Unglingar 15 ára og yngri geta ekki öðlast hærri gráðu en 1.kyu. Í júdóferilsbók skal vera tilgreint við hverja gráðu hvort lokið hefur verið við lása (KANSETSU-WAZA) og hengingar (SHIME-WAZA). Heimilt er tækniráði að leyfa judoka yngri en 15 ára að taka gráðun í einum áfanga ef sérstakar ástæður eru fyrir því að mati tækniráðs.
Judokar 15 ára og eldri taka allar gráðanir í einum áfanga.
Börn 10 ára og yngri eru ekki gráðuð af JSÍ heldur taka þau próf á vegum síns júdófélags samkvæmt verkefnaskrá 2.gr og fá viðurkenningarskjal frá JSÍ ef óskað er, af því loknu.

1.6
Þegar gráðun er lokið, skal gráðudómari bóka árangurinn í júdóferilsbók viðkomandi. Gráðun er ekki gild fyrir en JSÍ hefur staðfest hana með undirskrift og stimpli í júdóferilsbókina.

1.7
Tækniráð, sér um allar gráðanir og skulu minnst tveir tækniráðsmanna vera viðstaddir dan gráðanir og annar þeirra skal alltaf vera hærra gráðaður en sá sem prófið þreytir. Gráðupróf skulu vera minnst tvö á ári og fara fram á tímabilinu nóvember til desember og mars til apríl. Einungis er hægt að hækka um eina kyu gráðu á ári nema undantekning (gr.1.5 og 1.9) leyfi annað. Kyu gráðupróf skal auglýst með fjögurra vikna fyrirvara í júdófélögunum en dan gráðupróf með sex vikna fyrirvara.

1.8
Árangur á alþjóðamótum telst vera að hafa einhvern tíma á ferlinum;
       a.)  Verið í 1-7 sæti á EJU B-móti, eða sterkari mótum eins og A-mótaröð EJU, EM, HM, ÓL
            eða önnur þau mót sem tækniráð metur sterkari.
       b.)  Unnið tvær viðureignir á: A-móti EJU, EM eða HM.
       c.) Unnið gullverðlaun á NM.

1.9
Heimilt er tækniráði, með samþykki stjórnar JSÍ, að gráða þá judoka upp, sem því finnst hafa til þess unnið, í keppnum innan lands eða utan eða á annan hátt svo sem fyrir störf í þágu júdó eins og stjórnunarstörf, þjálfun eða dómgæslu. Ávallt skal, í slíkum tilfellum, taka tillit til ferils og framkomu viðkomandi judoka, jafnt í keppni sem utan hennar. Meginreglan skal vera sú, að hækka judoka aðeins um eina gráðu, þó má gera undantekningu á, ef um kyu-gráðaðan judoka er að ræða.

1.10
Heiðursgráðu er hægt að veita að tillögu stjórnar og tækniráðs á ársþingi JSÍ

1.11
Alþjóða júdósambandið (IJF) viðurkennir aðeins þær gráður, sem aðildarsamböndin hafa formlega veitt sínum eigin skírteinishöfum. Ekkert júdósamband má veita skírteinishafa annars landssambands gráðu án skriflegs samþykkis þess sambands. Sérhver gráða, sem uppfyllir ekki þetta skilyrði mun ekki verða samþykkt af Alþjóða júdósambandinu.
(The International Judo Federation recognizes only those grades which are awarded officially by the member National Federation to their own members to the exclusion of all others. A Federation may not award a grade to a member of another Federation without the written accord of this Federation. Any grade awarded without this agreement will not be recognized by the IJF.)  Sjá 23.1 grein laga IJF um gráðanir.

1.12
Óheimilt er judoka að bera aðra en eigin gráðu án leyfis JSÍ, hvort heldur er á mótum eða æfingum.

2. gr.
Verkefni fyrir kyu-gráðanir

2.1
Almenn skilyrði vegna verkefna fyrir kyu-gráðanir.
Öll kastbrögð (NAGE-WAZA) skal sýna bæði í kyrrstöðu og á hreyfingu. Öll fastatök (OSAEKOMI-WAZA) skal sýna þannig af bæði er sýnt hvernig á að halda takinu og a.m.k. eina aðferð við það hvernig á að losa sig úr því.
15 ára og eldri skulu sýna a.m.k. eina aðferð við það hvernig á að komast inn í fastatök (OSAEKOMI-WAZA), lása (KANSETSU-WAZA) og hengingar (SHIME-WAZA).

2.2
6.kyu gráðun = hvítt belti.
Allir byrjendur í júdó eru 6.kyu.
Um judoka 10 ára og yngri gildir eftirfarandi: Judokar 10 ára og yngri skulu allir vera 6.kyu og geta ekki hækkað upp úr þeirri gráðu fyrr en á 11. ári. Judokar 10 ára og yngri eiga kost á að leysa 5 verkefni innan þessarar gráðu, þó aldrei meira en 1 verkefni á ári. Við lok hvers verkefnis fær viðkomandi viðurkenningarskjal frá JSÍ ef óskað er. Júdó- félögum/deildum er í sjálfsvald sett að gráða fram að 11 ára aldri og eru neðangreind verkefni aðeins til leiðbeiningar og geta félögin lagt önnur verkefni fyrir sína iðkendur sem þeir telja vera við þeirra hæfi.
Verkefnin eru eftirfarandi:
1. Ukemi á baki, grip (ai-yotsu), Kesa-gatame, skilja rei.
2. Ukemi á hlið, Ouchi-gari, Yoko-shiho-gatame, skilja hajime, matte og soremade.
3. Júdókollhnís, Koshi-guruma, skilja koka, yuko, wasaari og ippon.
4. O-soto-gari, grip (kenka-yotsu), losa sig úr einu fastataki, skilja refstistig.
5. Renraku-waza: Koshi-guruma –O-soto-gari, O-uchi-gari – Kesa-gatame.

2.3
5.kyu gráðun = gult belti.
Fyrri hluti:
  - UKEMI: Kunna Ukemi á baki.
Þekkja og sýna eftirfarandi brögð:
  - NAGE-WAZA: Ouchi-gari, Koshi-guruma, O-goshi.
  - OSAEKOMI-WAZA: Kesa-gatame.
  - SHIME-WAZA: Hadaka-jime
Ýmislegt: Þekkja eftirtalin orð
  - Ukemi, Nage-waza, Katame-waza.
Seinni hluti:
  - UKEMI: Kunna Ukemi á hliðum.
Þekkja og sýna eftirfarandi brögð:
  - NAGE-WAZA: Osoto-gari, Sasae-tsurikomi-ashi, Kouchi-gari,
  - SHIME-WAZA: Kata-juji-jime
  - KANSETSU-WAZA: Juji-gatame.
Ýmislegt: Þekkja eftirtalin orð og merki dómara í keppni:
   - Ippon, Waza-ari-awasete-Ippon, Waza-ari, Yuko, Koka.

2.4
4.kyu gráðun = appelsínugult belti.
Fyrri hluti:
  - UKEMI: Kunna júdókollhnís.
Þekkja og sýna eftirfarandi brögð:
  - NAGE-WAZA: Harai-goshi, Tsuri-goshi, Seoi-nage
  - OSAEKOMI-WAZA: Kuzure-kesa-gatame.
  - SHIME-WAZA: Nami-juji-jime
Ýmislegt: Þekkja eftirtalin orð:
  - Te-waza, Koshi-waza, Ashi-waza.
Seinni hluti:
  - UKEMI: Kunna Ukemi að stökkva og rúlla fram.
Þekkja og sýna eftirfarandi brögð:
  - NAGE-WAZA: Tai-otoshi, Morote-gari, Hiza-guruma
  - OSAEKOMI-WAZA: Kami-shiho-gatame.
  - SHIME-WASA: Gyaku-juji-jime
  - KANSETSU-WAZA: Ude-garami.
Ýmislegt.: Þekkja eftirtalin orð og merki dómara í keppni:
  - Hajime, Sore-made, Mate, Osaekomi, Toketa.

2.5
3.kyu gráðun = grænt belti.
Fyrri hluti:
Þekkja og sýna eftirfarandi brögð:
  - NAGE-WAZA: De-ashi-barai, Seoi-otshi, Okuri-ashi-barai.
  - OSAEKOMI-WAZA: Yoko-shiho-gatame.
  - SHIME-WAZA: Okuri-eri-jime
Ýmislegt: Þekkja eftirtalin orð:
  - Sutemi-waza, Ma-sutemi-waza, Yoko-sutemi-waza.
Seinni hluti:
Þekkja og sýna eftirfarandi brögð:
 - NAGE-WAZA: Tsurikomi-goshi, Sode-tsurikomi-goshi, Tsubame-gaeshi.
 - OSAEKOMI-WAZA: Kuzure-kami-shiho-gatame
 - SHIME-WAZA: Kataha-jime.
 - KANSETSU-WASA: Ude-gatame.
Ýmislegt: Þekkja eftirtalin orð og merki dómara í keppni:
 - Sono-mama, Yoshi, Hantei, Hiki-wake, Kachi.

2.6
2.kyu gráðun = blátt belti.
Fyrri hluti:
Þekkja og sýna eftirfarandi brögð:
  - NAGE-WAZA: Hane-goshi, Ushiro-goshi, Kata-guruma.
  - OSAEKOMI-WAZA: Ushiro-kesa-gatame.
  - SHIME-WAZA: Ryo-te-jime.
Ýmislegt: Þekkja eftirtalin orð:
  - Tori, Uke, Shomen.
Seinni hluti:
  - NAGE-WAZA: Osoto-gaeshi, Ouchi-gaeshi, Sukui-nage.
  - OSAEKOMI-WAZA: Kata-gatame.
  - SHIME-WAZA: Tsukkomi-jime 
  - KANSETSU-WAZA: Hiza-gatame.
Ýmislegt: Góð þekking á 27.gr. keppnisreglnanna (um refsingu: Shido, Chui, Keikoku, Hansoku-make).

2.7
1.kyu gráðun = brúnt belti.
Fyrri hluti:
Þekkja og sýna eftirfarandi brögð:
  - NAGE-WAZA: Uchi-mata, Ko-soto-gari, Tomoe-nage.
  - OSAEKOMI-WASA: Tate-shiho-gatame.
  - SHIME-WAZA: Sode-guruma-jime.
  - KANSETSU-WAZA: Waki-gatame.
Ýmislegt: Þekkja eftirtalin orð:
  - Randori, Kata, Atemi-waza.
Seinni hluti:
  - NAGE-WAZA: Kouchi-makikomi, Uchi-mata-sukashi, Utsuri-goshi.
  - SHIME-WAZA: Sankaku-jime (2 mism. aðferðir).
  - KANSETSU-WASA: Ashi-gatame.
Ýmislegt.: Almenn þekking á keppnisreglum

3.1
1.Dan gráðun
Skilyrði :
  - Tími sem 1.kyu eitt ár. 
  - Lágmarksaldur 16 ára.
  - Hafa dæmt á a.m.k. tveimur mótum á vegum JSÍ sem 1.kyu.
  - Hafa félagsdómararéttindi.
Verkefni:
  - Sýna (útskýra) sem kennari eftirfarandi:  Eitt TE-WASA, eitt KOSHI-WASA, eitt ASHI-     WASA, tvö OSAEKOMI-WASA, eitt SHIME-WASA og eitt KANSETSU-WASA. 
     Þessi brögð má, sá er reynir við gráðun, sýna annað hvort sem grundvallarbrögð, eða eigin
     útfærslur.
  - Vera viðbúinn að útskýra brögðin og svara spurningum um þau.
  - Sýna NAGE-NO-KATA: þ.e. TE-WASA, KOSHI-WASA, ASHI-WASA (allar 3 seríur sem
   Tori og 1 seríu sem Uke).

3.2
2. Dan gráðun
Skilyrði :
  - Tími sem 1.dan fjögur ár. Stytta má tímann um hámark tvö ár, ef próftaki hefur
     verið keppandi á tímabilinu. Ef hann hefur keppt samtals á fjórum mótum, hvort
     heldur JSÍ eða alþjóðlegum mótum á einu keppnistímabili styttist tíminn um eitt ár
     en tvö ár ef mótin eru átta á tveim keppnistímabilum. Keppnistímabilið er frá 1.
     september til 31. ágúst.
  - Hafa landsdómararéttindi.
  - Hafa tekið þátt a.m.k tvisvar á dómaranámskeið sem 1.dan.
   - Hafa dæmt á a.m.k.þremur mótum JSÍ í sem 1.dan.
Verkefni:
  - Sýna NAGE-NO-KATA (allar 5 seríur sem Tori og 2 seríur sem Uke) og Renraku-Waza
     (bragðfléttur) 5 brögð, og Henka-Waza (mótbrögð) 3 brögð.
  - Vera viðbúinn að útskýra brögðin og svara spurningum um þau.

3.3
3. Dan gráðun
Skilyrði :
  - Tími sem 2.dan fimm ár. Stytta má tímann um hámark tvö ár, ef próftaki hefur verið
    keppandi á tímabilinu. Ef hann hefur keppt samtals á fjórum mótum, hvort heldur JSÍ
    eða alþjóðlegum mótum á einu keppnistímabili styttist tíminn um eitt ár en tvö ár ef
    mótin eru átta á tveim keppnistímabilum. Keppnistímabilið er frá 1. september til 31.
    ágúst.
  - Hafa tekið þátt a.m.k þrisvar á dómaranámskeiði sem 2.dan.
  - Hafa dæmt á a.m.k.þremur mótum JSÍ í sem 2.dan.
Verkefni:
  - Sýna 20 NAGE-WASA af IJF waza lista og útskýra sem kennari 5 þeirra að vali prófdómara.
  - Vera viðbúinn að útskýra brögðin og svara spurningum um þau.
  - Sýna KATAME-NO-KATA (allar 3 seríur sem Tori og 1 seríu sem Uke).

3.4
4. Dan gráðun
Skilyrði :
  - Tími sem 3.dan sex ár.  Stytta má tímann um hámark tvö ár, ef próftaki hefur verið
     keppandi á tímabilinu.Ef hann hefur keppt samtals á fjórum mótum, hvort heldur JSÍ
    eða alþjóðlegum mótum á einu keppnistímabili styttist tíminn um eitt ár en tvö ár ef
    mótin eru átta á tveim keppnistímabilum. Keppnistímabilið er frá 1. september til 31.
    ágúst.
  - Árangur á alþjóðamótum sbr. gr. 1.8.
  - Hafa tekið þátt a.m.k þrisvar á dómaranámskeiði sem 3.dan.
  - Hafa dæmt á a.m.k.þremur mótum JSÍ í sem 3.dan.
Verkefni:
  - Sýna 5 Sutemi-Waza og KIME-NO-KATA (allt sem Tori).
  - Útskýra sem kennari 9 fyrstu brögðin í NAGE-NO-KATA eða 10 fyrstu í KATAME-NO-
    KATA (allt sem Tori).
  - Þekking á dómarareglum og keppnisreglum og vera viðbúinn að svara spurningum
    um þær.

3.5
5. Dan gráðun
Skilyrði :
  - Tími sem 4.dan sex ár.  Stytta má tímann um hámark tvö ár, ef próftaki hefur verið
     keppandi á tímabilinu. Ef hann hefur keppt samtals á fjórum mótum, hvort heldur
     JSÍ eða alþjóðlegum mótum á einu keppnistímabili styttist tíminn um eitt ár en tvö
     ár ef mótin eru átta á tveim keppnistímabilum. Keppnistímabilið er frá 1. september
     til 31. ágúst.
  - Árangur á alþjóðamótum sbr. gr. 1.8. og störf í þágu júdó.
  - Hafa tekið þátt a.m.k þrisvar á dómaranámskeiði sem 4.dan.
  - Hafa dæmt á a.m.k.þremur mótum JSÍ í sem 4.dan.
Verkefni:
  - Sýna KODOKAN –GOSHIN-JUTSU (allt semTori)
  - Þekking á dómarareglum og keppnisreglum og vera viðbúinn að svara spurningum
    um þær.

3.6
6. Dan gráðun
Skilyrði :
  - Tími sem 5.dan sex ár. Stytta má tímann um hámark tvö ár, ef próftaki hefur verið
     keppandi á tímabilinu. Ef hann hefur keppt samtals á fjórum mótum, hvort heldur
     JSÍ eða alþjóðlegum mótum á einu keppnistímabili styttist tíminn um eitt ár en tvö
     ár ef mótin eru átta á tveim keppnistímabilum. Keppnistímabilið er frá 1. september
     til 31. ágúst.
  - Árangur á alþjóðamótum sbr. gr. 1.8. og störf í þágu júdó.
  - Hafa tekið þátt a.m.k þrisvar á dómaranámskeiði sem 5.dan.
  - Hafa dæmt á a.m.k.þremur mótum JSÍ í sem 5.dan.
Verkefni:
  - Fræðilegt: JU-NO-KATA (bæði sem Tori og Uke)
  - Þekking á dómarareglum og keppnisreglum og vera viðbúinn að svara spurningum
    um þær.

3.7
7. Dan gráðun
7 ár sem 6. dan og störf fyrir Júdó.
8. Dan gráðun
8 ár sem 7. dan og störf fyrir Júdó

3.8
9-10. Dan gráðanir
Veitt samkvæmt ákvörðun tækniráðs og stjórn JSÍ og reglum Evrópujúdósambandsins (EJU) og Alþjóðajúdósambandsins (IJF)

Gráðudómari getur frestað að kveða upp úrskurð um gráðum, vísað til tækniráðs JSÍ til endanlegs úrskurður, ef hann er í vafa, annað tveggja, hvort keppandi er verður gráðunar, sem hann hefur tæknilega staðist (sjá fyrstu skilgreiningu á gráðun í 1. grein), eða hvort réttlátara væri að hann bæri hærri gráðu. Sé tækniráð ósammála, eða telji gráðuna hæpna, getur það vísað málinu til ársþings JSÍ.

Reglur þessar öðlast gildi, þegar ársþing JSÍ hefur samþykkt þær.

Aðeins ársþing JSÍ getur breytt reglum þessum.
Útgefin með breytingum:
  - Eftir 14.ársþing JSÍ 08.06.1985
  - Eftir 31.ársþing JSÍ 22.08.2002
  - Eftir 32.ársþing JSÍ 04.04.2003