Knattspyrna

Í dag var í félagsheimilinu Tíbrá skrifað undir samning þar sem Íslandsbanki verður aðalstyrktaraðili knattspyrnudeildar Umf. Selfoss næstu tvö árin. Samkvæmt honum mun Íslandsbanki styðja knattspyrnudeild Umf. Selfoss í íþróttalegu og uppeldislegu hlutverki sínu á Selfossi. Það voru þeir Jón Rúnar Bjarnason, útibússtjóri Íslandsbanka á Selfossi, og Þorsteinn Magnússon, varaformaður knattspyrnudeildar, sem skrifuðu undir samninginn.

Við sama tækifæri var einnig skrifað undir samning á milli aðalstjórnar Umf. Selfoss og knattspyrnudeildar um rekstur íþróttavallarsvæðisins við Engjvag 2010. Undir samninginn skrifuðu Axel Þór Gissurarson, formaður Umf. Selfoss, og Þorsteinn Magnússon, varaformaður knattspyrnudeilar.