Knattspyrna

Þrír strákar úr 3. flokki Selfoss hafa verið valdir til að taka þátt í úrtökuæfingum KSÍ. Þetta eru þeir Björn Ingi Harðarson, Haukur Ingi Gunnarsson og Sindri Rúnarsson. Þeir félagar eru allir fæddir 1995 og spila því með 3. flokki. Sá flokkur hefur einungis tapað tveimur leikjum á þessu ári. Þeir unnu alla æfingaleiki og leikina í Faxaflóamótinu og eru enn ósigraðir á Íslandsmótinu. Þeir duttu síðan út í 16 liða úrslitum á Gothiacup í Svíþjóð og í bikarkeppninni eftir 0-1 tap gegn Fjölni. Æfingar fara fram á Laugarvatni dagana 20.-22. ágúst. UMFS.is óskar þeim þremenningum til hamingju með þennan árangur og óskar þeim áframhaldandi frama á knattspyrnuvellinum.  Tómas.