UMFS

F�tboltamara�on 5. flokks

Mon, 8 Feb 2010 18:04:09 GMT

Maraþon 5. flokks karla í knattspyrnu fór fram 23. janúar. Maraþonið var liður í fjáröflun fyrir þátttöku á N1-mótinu á Akureyri í sumar. Strákarnir voru duglegir að safna áheitum og vel var tekið á móti þeim. Nokkur fyrirtæki styrktu strákana með brauði, áleggi og drykkjum. Þessi fyrirtæki voru Guðnabakarí, Krás, MS og Vífilfell. Strákarnir stóðu sig vel og kepptu m.a. við nokkra liðsmenn meistaraflokks og foreldra. Öllum þeim sem lögðu hönd á plóginn til að gera þetta maraþon mögulegt, fyrirtækjum og þeim sem styrktu strákana er þakkað sérstaklega fyrir stuðninginn.

Leikjani�urr��un kl�r og stj�rnuli� Hemma Gunn m�tir � sv��i�

Fri, 5 Feb 2010 18:48:39 GMT

Þá er leikjaniðurröðun fyrir minningarmót um Guðjón Ægir Sigurjónsson tilbúin. Alls eru 21 lið búin að skrá sig til leiks og telja fróðir menn það vera nálægt meti ef ekki met í fyrirtækjakeppni á vegum Selfossliðsins. Fulltrúar liða eru hvött til að mæta kl. 9.30 í Íþróttahúsið Iðu og taka þátt í uppboði á meistaraflokksleikmönnum. Þau lið sem telja sig tilbúin í slaginn, án frekari styrkingu geta mætt 30 mínútum fyrir fyrsta leik, en sjá má leikjaniðurröðun hér að neðan.

Ingi Rafn kominn heim

Fri, 5 Feb 2010 13:24:51 GMT

Ingi Rafn Ingibergsson skrifaði nýverið undir þriggja ára samning við Selfoss. Ingi Rafn er því aftur komin heim í heiðadalinn eftir að hafa leikið með ÍBV undanfarin fjögur tímabil, en hann byrjaði sinn meistaraflokksferil hjá Selfoss. Ingi Rafn hefur æft með Selfyssingum í vetur og spilað nokkra æfingaleiki með liðinu og staðið sig vel.

16 stelpur skrifu�u undir samninga vi� Selfoss

Fri, 5 Feb 2010 13:08:39 GMT

Kvennalið Selfoss í knattspyrnu skrifaði í gær undir samninga við 16 leikmenn. Kvennalið Selfoss var endurvakið fyrir ári síðan og komu þær á óvart á sínu fyrsta tímabili í 1. deild, en þær komust í úrslitakeppnina og töpuðu þar fyrir Haukum með marki í viðbótartíma. Í haust tók svo Helena Ólafsdóttir fyrrverandi landsliðsþjálfari við Selfoss-stelpunum. Stelpunar eru flestar á aldrinum 16-19 ára og koma allar úr unglingastarfi Selfoss, nema Anna Þorsteinsdóttir sem kemur úr Þrótti.

Hvatagrei�slur vegna ��r�tta- og/e�a t�mstundastarfs

Fri, 5 Feb 2010 08:56:23 GMT

Hvert barn á aldrinum 6-18 ára sem á lögheimili í Sveitarfélaginu Árborg á rétt á svonefndum hvatagreisðlum til niðurgreiðslu á skipulögðu íþróttastarfi í Árborg. Þessi upphæð er kr. 10.000 á hvert barn fyrir viðurkennt námskeið eða æfingar sem standa í 10 vikur eða lengur. Mín Árborg er íbúagátt Sveitarfélagsins Árborgar og þar er hægt að sækja um hvatagreiðslurnar rafrænt. Farið er inn á íbúagáttina í gegnum heimasíðu Árborgar www.arborg.is eða ibuagatt.arborg.is. Til að fá aðgang að gáttinni er valin „nýskráning" og verður síðan lykilorð sent í heimabanka viðkomandi eða að náð sé í það í afgreiðslu Ráðhúss Árborgar.

Minningarm�t og styrktarball

Tue, 2 Feb 2010 11:59:19 GMT

Úrvalsdeildarlið Selfyssinga í knattspyrnu undirbýr sig nú af kappi fyrir átökin í Pepsi-deildinni í sumar. Af því tilefni að liðið leikur nú í fyrsta skipti á meðal þeirra bestu hefur verið ákveðið að efna til firma- og hópakeppni, til minningar um Guðjón Ægi Sigurjónsson. Fyrirtæki og hópar geta skráð sig til leiks í mótið og er það öllum opið. Nánari upplýsingar og skráning eru hjá Sveinbirni, s. 897-7697, Tómasi, s. 699-0660, og Sævari, s. 899-0887.

Stef�n Ragnar me� n�jan samning vi� Selfoss

Mon, 1 Feb 2010 09:010:00 GMT

Stefán Ragnar Guðlaugsson miðvörðurinn efnilegi gerði s.l. laugardag nýjan þriggja ára samning við Selfyssinga. Stefán sem er fæddur 1991 var lykilleikmaður í liði Selfyssinga sem á síðasta ári tryggði sér sæti í úrvalsdeildinni. Hann var eftir sumarið valinn efnilegasti leikmaður liðsins. Stefán Ragnar var einnig fastamaður í u-19 ára landsliði Íslands allt síðasta ár.

D�karabandi� gaf allan �g��a af pl�tus�lu til knattspyrnudeildar

Thu, 28 Jan 2010 14:01:18 GMT

Á Þorrablótinu hans Kjartans Björnssonar, sem haldið var um síðustu helgi, var óvænt skemmtiatriði. Þar steig á svið hljómsveitin Dúkarabandið og flutti nokkur frumsamin lög og hélt í leiðinni útgáfutónleika sína. En á dögunum gáfu þeir út diskinn „Tree little roofer boys“ Á Þorrablótinu gengu svo leikmenn meistaraflokks karla í knattspyrnu um salinn og seldu diskinn fyrir þá félaga og gáfu þeir allan ágóðan, eða 2000 kr. pr. disk til knattspyrnudeildar.

Meistaraflokk kvenna vantar �hugasamt a�sto�arf�lk

Thu, 28 Jan 2010 12:27:23 GMT

Meistaraflokkur kvenna í knattspyrnu leitar nú að jákvæðu og áhugasömu fólki til þess að starfa í kringum flokkinn. Í því fælist t.d. aðstoð við fjáraflanir, undirbúning heimaleikja og fleira. Meistaraflokkur kvenna á Selfossi er á hraðri uppleið og eru um 20 stelpur að æfa með liðinu. Áhugasamir geta haft samband við Þóru Margréti (s.694-6479, thora89@hotmail.com) eða Auði Ólafsdóttur (auduro@intrum.is).

Skr�ning hafin � Ol�sm�ti�.

Thu, 28 Jan 2010 12:27:21 GMT

Alls hafa 6 lið, auk gestgjafana skráð sig til leiks á fyrsta skráningardegi Olísmótsins í knattspyrnu. Þau lið sem voru fyrst til að skrá sig eru Grindavík, KA, KR, Þróttur, HK og Keflavík. Olísmótið er fyrir 11-12 ára stráka og fer það fram á 6.-8. ágúst á 11 knattspyrnuvöllum á Selfossi. Hér á Olismot.is má sjá allar helstu upplýsingar um mótið, sem er að stimpla sig rækilega inn sem eitt af stóru krakka mótunum á Íslandi.