Áhugavert Umf. Selfoss

Íþrótta- og útivistarklúbbur UMFS

Ungbarnasund Guggusund

JAKO_jakosport

EIMSKIP_FLYTJANDI

 

Íþrótta- og útivistarklúbburinn 2017

Íþrótta- og útivistarklúbburinn, sem er fyrir öll börn fædd 2007-2011, er starfræktur í sumar eins og síðastliðin sumur. Klúbburinn er starfræktur á vegum Ungmennafélags Selfoss í góðu samstarfi við Sveitarfélagið Árborg. Klúbburinn býður upp á fjölbreytt og skemmtileg sumaranámskeið fyrir hressa krakka.

Markmið námskeiðanna í klúbbnum er fjölbreytileiki og skemmtileg hreyfing með mikilli útiveru og íþróttum í góðum félagsskap. Börnin fá að kynnast sem flestum íþróttagreinum og stefnt er að því að þau nái betri líkamlegri færni og eflist félagslega. Þurfi börn sérstaka aðstoð mun Sveitarfélagið Árborg útvega hana í samræmi við þarfir hvers og eins. Lögð er áhersla á að börnin skemmti sér á námskeiðunum.

Klúbburinn býður upp á fimm fjölbreytt og skemmtileg tveggja vikna sumaranámskeið fyrir hressa krakka í sumar. Hægt er að velja heilan dag með hádegismat eða hálfan dag, fyrir eða eftir hádegi og geta valið að bæta við hollum og góðum hádegismat með ávöxtum og grænmeti allt eftir því hvað hentar fólki. Mikilvægt er að láta umsjónarmann vita ef börnin eru með ofnæmi af einhverju tagi.

Námskeiðin í sumar verða sem hér segir:

1. námskeið: 12. júní – 23. júní (30 eða 60 tíma námskeið).

2. námskeið: 26. júní – 7. júlí (30 eða 60 tíma námskeið).

3. námskeið: 10. júlí – 21. júlí (30 eða 60 tíma námskeið).

4. námskeið: 24. júlí – 4. ágúst (30 eða 60 tíma námskeið).

5. námskeið: 8. ágúst – 18. ágúst (27 eða 54 tíma námskeið).

Allar nánari upplýsingar og skráningar má fá hjá Hilmari Guðlaugssyni og Sigrúnu Örnu Brynjarsdóttur umsjónarmönnum klúbbsins í netfanginu sumarnamskeidumfs@gmail.com eða í síma 698-0007.

Einnig er hægt að skrá börnin í klúbbinn á staðnum.

Við hlökkum til að hitta hressa krakka í sumar.

Með kveðju frá Íþrótta- og útivistarklúbbnum 2017 – þar sem leikurinn er í fyrirrúmi

—————————————————————————————————————————————————-

Íþrótta- og útivistarklúbburinn er staðsettur í Vallaskóla og er gengið inn um inngang við eldhús við gervigrasvöllinn Eikatún.

Dagskrá fyrir íþrótta- og útivistarklúbbinn má nálgast hana með því að smella á hlekkinn hér fyrir neðan. Vakin er athygli á að dagskráin getur breyst vegna veðurs.

Dagskrá fyrir sumarið 2017 er í vinnslu.

Verð á námskeiðum:

Hálfur dagur kl. 9-12 eða kl. 13-16 Kr. 10.500 / (8.400*)
Hálfur dagur með aukagæslu 8-9 eða 16-17 Kr. 12.000 /  (9.600*)
Hálgur dagur með hádegismat Kr. 13.500 / (10.800*)
Hálfur dagur með hádegismat og aukagæslu 8-9 eða 16-17 Kr. 15.000 / (12.000*)
Heill dagur kl. 9-16 með hádegismat Kr. 16.500 / (13.400*)
Heill dagur kl. 9-16 með hádegismat og aukagæslu 8-9 eða 16-17 Kr. 18.000 / (14.400*)
Heill dagur kl. 8-17 með hádegismat Kr. 19.500 / (15.600*)
* Systkinaafsláttur er 20%

Hægt að borga með peningum eða korti á staðnum og eins má leggja inn á reikning 586-26-1189 kt. 660269-6659 og senda kvittun á sumarnamskeidumfs@gmail.com.