Mótokross

Vorannarfjarnám 1. stigs þjálfaramenntunar ÍSÍ mun hefjast mánudaginn 6. febrúar nk. og tekur það átta vikur. Um er að ræða samtals 60 kennslustunda nám eða sem samsvarar öllu 1. stiginu,1a, 1b og 1c. Námið er almennur hluti þjálfaramenntunar ÍSÍ og gildir jafnt fyrir allar íþróttagreinar.

Laugardaginn 19. nóvember sl. hélt Vélhjólaklúbburinn Vík skemmtikeppni í Bolöldu sem er við Litlu Kaffistofuna. Veðrið lék við bæði keppendur og áhorfendur enda ætti svona braut að vera lokuð á þessum tíma árs og ekki var hægt að kvarta yfir brautunum. Þarna var keppt í motorkrossi, enduro-krossi og krakkakrossi.

Á fundi aðalstjórnar Umf. Selfoss sem haldinn var 7. september 2011 var ákveðið að félagið myndi veita systkinaafslátt á milli deilda fyrir tímabilið september - desember 2011 og janúar - maí 2012. Systkinaafsláttur er 1.000 kr. á mánuði fyrir fyrir 2. og 3. barn og gildir fyrir fjölskyldur þar sem börn æfa ekki öll sömu íþróttagrein. Afslátturinn gildir einnig fyrir börn sem æfa fleiri en eina íþróttagrein. Nánari upplýsingar veitir framkvæmdastjóri á skrifstofu Umf. Selfoss.

Mótorkrossdeildin var með sína fyrstu krakkaæfingu sunnudaginn 27. ágúst síðastliðinn. Þar voru mætir 5 galvaskir piltar á aldrinum 8-10 ára. Æfingin tókst vel og voru strákarnir ánægðir með daginn. Hákon Andrason sá um æfinguna og mun halda áfram að vera með æfingar á sunnudögum kl. 17:00 nema eitthvað komi uppá. Við ætlum að hafa þetta frítt, bara til að koma þessum krökkum saman og læra undirstöðuatriði og umgengi við umhverfið.

Styrktarkeppni fyrir íslenska landsliðið sem mun keppa á Motocross of Nations í Frakklandi í september verður haldin á Selfossi laugardaginn 27. ágúst kl. 10:00-15:00. Allur ágóði af keppnini rennur beint til íslenska liðsins. Keppt verður í 5 flokkum og verður aðalatriðið að hafa gaman af deginum og sýna strákunum í landsliðinu að við stöndum á bakvið þá.

Næsta Unglingalandsmót UMFÍ verður haldið á Egilsstöðum um verslunarmannahelgina 2011. Ungmenna og íþróttasamband Austurlands er mótshaldari og stefnt er að því að halda glæsilegt mót við góðar aðstæður. Unglingalandsmótin eru vímuefnalaus íþrótta- og fjölskylduhátíð og frábær kostur fyrir alla þá sem velja heilbrigt og vímuefnalaust umhverfi samhliða því að taka þátt í fjölbreyttri íþróttakeppni. Allir á aldrinum 11-18 ára geta tekið þátt í íþróttakeppni á Unglingalandsmótinu.

Fyrsta umferð Íslandsmeistarmótsins í mótorkrossi fór fram á Sauðárkróki 4. júní og önnur umferðin fór fram í Álfsnesi 2. júlí. Systkynin Jóhann Smári og Einey Ösp Gunnarsbörn og Ragnar Páll Ragnarsson voru skráð til leiks á Sauðárkróki og stóðu sig ágætlega. Þau kepptu einnig í Álfsnesi en þar voru aðstæður til keppni betri. Jóhann Smári var skráður bæði í mx2 og mx open. Hann lenti í 7. sæti í mx2 og 15. sæti í mx open. Ragnar Páll endaði í 13. sæti eftir daginn í unglingaflokknum. Einey Ösp lenti í mikilli baráttu í kvennaflokki og landaði 5. sætinu.

Fjölmenni var á íþróttavallarsvæðinu við Engjaveg í dag er haldið var upp á 75 ára afmæli Ungmennafélags Selfoss. Dagskráin hófst um kl. 11 með leikjum og ýmsu sprelli. Þar gátu ungir sem aldnir tekið þátt í fótbolta, frjálsum og fimleikum. Einnig sýndu taekwondoiðkendur og þjálfarar ýmsar æfingar og spörk sem hægt var að spreyta sig á. Á eftir var öllum boðið upp á grillaðar pylsur og Kókómjólk. Í gærkvöldi var haldin hátíðasamkoma í sal Fjölbrautaskóla Suðurlands. Þangað var boðið stjórnum allra deilda félagsins, heiðursfélögum og öðrum velunnurum félagsins.