Sund

Þau Guðmundur Kr. Jónsson og Hrafnhildur Guðmundsdóttir fengu afhentan heiðurskross ÍSÍ í sérstöku afmælishófi sem haldið var í Ráðhúsi Reykjavíkur í tilefni af 100 ára afmæli Íþrótta- og Ólympíusambands Íslands sl. laugardag. Bæði hafa þau starfað í áratugi innan íþróttahreyfingarinnar. Ungmennafélag Selfoss óskar þeim innilega til hamingju með þessa viðurkenningu.

Vorannarfjarnám 1. stigs þjálfaramenntunar ÍSÍ mun hefjast mánudaginn 6. febrúar nk. og tekur það átta vikur. Um er að ræða samtals 60 kennslustunda nám eða sem samsvarar öllu 1. stiginu,1a, 1b og 1c. Námið er almennur hluti þjálfaramenntunar ÍSÍ og gildir jafnt fyrir allar íþróttagreinar.

Ný námskeið í Guggusundi (ungbarnasundi) hefjast 12. og 13. janúar næstkomandi. Umer að ræða ungbarnasund fyrir 0-2 ára, barnasund fyrir 2-4 ára, sundnámskeið fyrir 4-6 ára og sundskóla fyrir börn fædd 2006 og fyrr.

Selfoss sigraði stigakeppni félaga á unglingamóti HSK sem fram fór í Sundhöll Selfoss sunnudaginn 20. nóvember. Keppt var til stiga í aldursflokki 11-14 ára, 1 stig fyrir 6. sæti og 6 stig fyrir 1. sæti. Einnig var keppt í hnátu og hnokka flokki 8-10 ára, án stiga. Selfoss hlaut 75 stig en Dímon (Hvolsvelli) varð í öðru sæti með 53 stig. Hamar (Hveragerði) var svo í þriðja sæti með 44 stig. Þetta er fjórða árið í röð sem Selfoss sigrar unglingmótið.

Sund fyrir fullorðna er ætlað öllum sem vilja bæta sundkunnáttu sína og færni hvort sem er til ánægju eða sem undirbúningur fyrir keppnir. Æfingarnar munu auka úthald, styrk, samhæfingu og sundtækni ásamt því að sundhraði mun aukast. Æfingar verða á fimmtudagsmorgnum kl. 6.00 í útlauginni á Selfossi. Þjálfari er yfirþjálfari sunddeildar UMFS, Ragnar Jónasson. Skráning og allar frekari upplýsingar er hægt að fá á 3s.umfs@gmail.com. Þríþrautaráð sunddeildar, Þórir Erlingsson.